Ýaralanyp, ölmän galyp, ýürekde,
ýa beýniňde galan gyçagyn okuň,
görkezme adama çykaryp, açyp,
goşgy ýazma, aýtjak ýaly täzelik,
kyssa ýazma, üýtgetjek dek pälini,
habary ýok, bolmaz açlardan dokuň...
Sen eliňde baryn edeniňden soň,
eneň, ataň goýup, gideniňden soň,
kim yzyňdan näme diýdi, saňa ne,
ýa ýaşasa millet nähili göwnäp,
ýa göwnemän, emma çykarman sesin,
saňa näme, gürrüň gutardy, ýeter...
Maşgala diýýärler biri-birine
elin berer, arka çykar, ýylgyrar,
ýykylanyn ylgap baryp galdyrar,
el-aýagy sypjyrylsa, döwülse,
emin tapar, seýik gözlär, begenmez,
seretmez çekilip gyra keseden...
O biriniň ejesine zat diýme,
bu biriniň kakasyna zat diýme,
seni ejeň goýan bolsa şu ýerde,
ýa-da kakaň taşlan bolsa, kitapsyz,
ýa depdersiz okap, ýazjak wagtyňda,
ýa-da öý işleriň etmedik bolsaň...
Sen gygyrma, diňlemese diňleýjiň,
ýa diňleýän diňläp goýsa, galmasa,
galkyn diýlen ýerde irkilen bolup,
ýa-da diýse käbirisi içinde,
iki sözi çatyp bilmän düzüwli:
“Goý otursyn öňki, sen geljek bolsaň!”...
Ýesir millet, el-aýagyn goýberseň,
iş öwrener iki ýylda, üç ýylda,
düşünýär ol, kommunizm gelmejek,
boş gürrüňden garny doýjak adam ýok,
işlär millet talaňçydan sypynsa,
özün eklär, ýurdy eklär, ýolbaşçy
O gün biri hat ýazypdyr gysgajyk:
"Men kän adam bilen durup, gürleşip,
kän wagtymy ýitiremok, bilýänsiň,
bu gün seniň bagtyň getirdi, meger,
ýa-da meniň, gep-sözümiz alyşdy,
iki agyz gürrüň etdik ýol ugra...
Sen bilmeseň owal-ahyr etmeliň,
eşitmedik bolsaň dogran eneňden,
ýa-da öweý, üýşenmek däl gitmeliň,
ýetişmeliň gypjyn-gypjyn durmuş däl,
galdyrmaly gara başyň kem-kemden,
seretmeli töwerege, daşyňa...
Bu bir agyr ýagdaý boldy,
darygmarsyň neneň edip,
ýurduň ýesir, iliň ýesir,
özüň ýesir gaçyp gidip,
goluň baglap aýralyga,
beren ýaly duýýaň özüň,
Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.
Any views or opinions expressed on this site belong to an individual and do not necessarily coincide with those of the organization he works for.
annagurban.com copyright © 2006-2024