Ýüregi bolmasa adamyň eger,
at başynyň gürrüňi däl, elbetde,
taýçanagyň başy ýaly bolmanda,
ýa-da owlak-guzyň kellesi ýaly,
garaşma sen ondan dogruçyl gepe,
ýü gürrüňe, gerek wagty edilýän...

Uly topar bolsa galamly adam, äsgermezlik etme, bolsa-da ysnat, gara sanaw düzýän wagty gyssanyp, sowul öňlerinden, tutsun dünýäni, arzan ýa-da iki bolmasa janyň...

Hökümet, han ogurlasa,
ogurlygy agzama hiç,
ýa kanunlar basgylansa,
ýykylýança, bolsa-da giç,
gözüňi ýum gödege sen,
saýlawlary saýlaw ýaly

Sen olary görýärsiň,
synlaýarsyň uzakdan,
diňleýärsiň kämahal,
ýöne uzak çydaman,
sem edýärsiň seslerin,
sebäbi bir, atlary

Sen geň galma, haýran galma hiç haçan,
ýykylan jaýlaryň harabasynda,
gömlen ojaklaryň gatan külüni,
daş, kesegi, demir-betony görmän,
ýa barmysyň diýmän zuluma asla,
owal-ahyr görülmedik bägüller...

Öz-özüni sylamaýan mähelle,
jemagat diý, tire-taýpa, millet diý,
sesli, sessiz başyn atýan ýalana,
ýa ýalňyşyp, çynyn aýdanda biri,
gaçýan ondan gyrgy gören serçe dek,
galjak ýaly, belki, tohumlyk diri...

Agyry, azary, iýýän içiňden,
dynaýyn-la diýip, gark etmek üçin,
ýa unutmak üçin gaýgy-aladaň,
sen içmegi öwrenersiň ürç edip,
emma olar öwrenerler ýüzmegi,
sen çekmegi öwrenersiň, belki-de...

Gurban, seniň bu boluşyň bolanok,
az gördüňmi öňkiň ýykan jaýlaryn,
näme etdi türkmen size, ozalky
urulany, gyrylany azmydy,
Gurban, seniň bu boluşyň bolanok,
ýeňlet iliň agyr düşen ýazgydyn!

Diktatoryň aýagynyň astynda
tahýasy trýapka boldy türkmeniň,
özi boldy gynanylýan mähelle,
ol gelene gel diýerdi işikden,
näçe bolsa, gaşyn çytman sähel-de,
saçagyny giňden ýazyp, baryny

Men indi ol öňki sada oglan däl,
tanyşlara, nätanyşa, kesekä,
adam bolsa, adam ornunda goýup,
elden gelen ýagşylygym edemok,
kösenemok, ýitiremok wagtymy,
gel diýseler, ýola çykyp gidemok...