سن اوُزاق یاشا
شوُ غوشغینی ایلیمینگ یتمیش یاشی آرقا آتان مردان لاری بولان حاج مراد دوردی قاضی، نیازجان
نیازی، نظرلی محجوبی، حاج چاری مرادیان، نورمحمّد متّقیو بیلهکی أگیرتلره حؤدورلهیأرین:
سن، یاشاپ یؤرسونگ دوُیغولارینگ بیلن
سن، یاشاپ یؤرسونگ غایغیلارینگ بیلن
یتمیش غیشی دیریلیکده گچیرسنگ-ده
اؤلوم، نأچه گزِگ بزهنیپدی غارشینگدا
ساچلارین داراپ.
سن کأته اونوُنگ
شوُ مِیمیرأپ یاتان توپراغا آبانیپ
غان یاغجاق بوُلوُتچا گوممیر دأنینی-هم
گؤروپ دینگ،
سن یاشاپ یؤردونگ غایغیلارینگ بیلن
سن یاشاپ یؤردونگ غایغیلارینگ بیلن
بوُلوُتلار گونشی غاباسا-دا
گوللر،
سنینگ، ایسسینگا چویاسی گلیأر اؤزونی
سن اؤز گویجونگی غایغیرانگوق
نوُر چایماق اوچین
غازاپ بیلن مأحیر، گؤزلرینگده
تولقوُن اوُریار
غایرات سنینگ سؤزلرینگده
تولقوُن اوُریار
بیزینگ چاغالاریمیز
سنینگ کؤنگول آرزوُنگی
سأحرامینگ غایالارنا دأل-ده
یاقیملی سایالارنا ناغیشلار
سنینگ دویشده گؤرنلرینگی
من بوگون سامیرداماق
گچدی اول غاراقچیلارینگ
غومپاریپ
بوُیروُق اِدیأن زاماناسی
گچدی ایلینگ سرحوش بولوُپ
یالاندان گولوپ
حالیس بولوُپ
حورروُق آتیان زاماناسی
سن!
بیشن بوُغدایلاری گؤردونگ
سن یاغشینی اِکدینگ
یاغشینی اوردوُنگ
سن کورهگی بردینگ ایل اوغوُللارنا
اؤز اوغوُللارنگا
حارمانی ییغنانگ دییپ
میدام، آق اِرتیری بوُشلادینگ، گزدینگ
گینگ آسمانا-بوُ زمینه
سن یاشاپ یؤرسونگ دوُیغولارینگ بیلن
سن یاشاپ یؤرسونگ دوُیغولارینگ بیلن
سن اوُزاق یاشا!
منّتدار
ناماز اوقاپ بولسام غاشینگدا ساییل
گیجه-گوندیز دینماسام-دا غوُربوم بار
یاشلاریم آیاغنگا دؤکمأگه ماییل
اؤکینمن اوُغرونگدا کؤیسم نأزلی یار.
گِردنینگه ساچلارینگنی چؤزلأنگده
ییلغیرجیراپ اوغرین منی گؤزلأنگده
سوزوپ نرگیس، غوُنچانگ بیله سؤزلأنگده
یورگیمده ایشغینگ کؤزی اود آلیار.
آی بولانگدا آراسیندا غیزلارینگ
آز گؤرونیأر یالقیمی ییلدیزلارینگ
قوُوات بریأ جانا غارا گؤزلرینگ
ییلغیرشینگدا مونگ بیر دورلی حونأر بار.
تیکن بولسام من غوراسام سن گولی
یولماسا حیچ حاچان غایرینینگ اِلی
یا-دا بولسام سنگ چارباغینگ بیلبیلی
پاسیللار، مودویمی بولسامیش باحار.
یاغشینیواسپ اِتمک جِننت دیر بلکی
غاووُنینگ یاغشیسین اییر شاغال-تیلکی
دونیأ ایکیمیزی آغلاتسا، گولکی!
واح بوُ اؤنگدن گلیأن قادا، بأزیگأر.
گول ایشغیندا سایران بیلبیل ایکیمیز
یولماسینلار تر غیزیل گول ایکیمیز
یار بولماغا چملی آسیل ایکیمیز
بیزینگ ایشغی دوُیان قالبا میننتدار.
آق گون حاقدا
من اؤزومی حاسرات-کولپتده گؤریأن
دوُرموُش گؤز اؤنگومدن حاتار گچنده
کأته اؤز اؤزومه گؤوونلیک بریأن
دوُیغوُلاریم سنی سایلاپ سچنده.
بیر میدار اِدیأرین سنگ یادینگ بیلن
گرشیم اگیلمهیأر گؤرگی گؤرسم-ده
من اؤزومی کأته پولات دوُییارین
کولپتلر اودوُنا یانیپ دوُرسام-دا.
منی ألتینگ اِرکانالیق سأحرایا،
دیییأن سالغینلاری سوُو اؤیدیأنلره،
کأ دیگیرگنیأن واح آلاچ یوق چونکی
جؤوِن دییپ اِکهنینگ گؤگِریأر تره.
کألر باش ساراپ یؤر آغیرماسا-دا
گیجه یالی گومورتیک اونگ اوی لاری
کأ گؤز یاشین سیزسا گونیوای لارا
ینه بیر گون غولداپ یؤر اول بایلاری.
گچیأر آغیر! گچسه-ده قین چأره یوق
یارا پورساپ، اؤز دؤورونی سورمسه
پارحین بیلیپ آق گونلری کیم سؤیجک
آغیر دردی چکیپ گؤرگی گؤرمسه.
حاوا «آق گون» سنگ یادینگدا دألی من
سنی سایلاپ سچدی آقیل - دوُیغوُلام
گل سن ایندی غادرینگ بیلرچه بولدوُق
بوُ توملوکده آرتیق توُتمآلی ماتام.
دؤنن گؤوون
گویزونگ یووروک آتی
یارینگ زولپونی
گرشینه غوندوُروُپ
گلدی غاپیما
من، اوُمیتدان بیر چاناق چؤرک یاپیپ
ایزیندان یولداپ دیم
اؤنگرأک
بوُ گون، یورگنه داش باغلاپ گلیپدی
یؤنه بوُ گیدن آسمان
یِری غوُرشاپ دوُران یالیدی، اینگ بریپ
میلغاجاق بولدی
قالبینینگ غاملاری مای برمهدی دوداغا
گؤزلریندن یاپ یاسادی دوُیغوُلار
من، باغریما باسیپ:
«گچمیشی اوُنوُت» دییدیم،
غاپیدان سر اِتدی
دؤنن گؤوون ایرزا بولمان
ینه زولپونی
گویزونگ یووروک آتینینگ
گرشینه غوندوُروُپ گیتدی غاپیمدان.
چؤل
چؤل،
آغیر یوک
چیلشیریملی یول،
دویه؛
اِندیک اِدن دوُرموُشیندان ایرزا.
یؤنه،
کؤشِکلرنی بیر دینداران
ای اوُمیت پنجرهدن اوم اِدن پریشده:
آغلامازلیغی،
سن اونده دینگ مانگا
غوشغیمی غوُرشادینگ
بیر غوُجاق چوغ بیلن
- یازینگ گونشی دی-
اِی اوُمیت پنجرهدن اوم اِدن
پریشده
یورِگیم یؤرگونلی قادالارینگ قاماتینینگ آستیندا
آغلاماغی اِندیک اِدیپدی بیر زامان
نوغتالی اِرککلری من، گیجأنینگ گومورتوگینده سایغارماغی باشاریپدیم.
گؤز اؤنگومده:
تاریحینگ یاغشی تألییندن تاماسیز
آغتالارینگ
آرمانلی آغیلاری
غولاقلاردا: کر بولیاردی
باغتی چوومهدیکلر
یاغشی دویشونگ آرزوُووُندا پازلایاردیلار
نهننگ من سر اِدیپ آغلامازدیم اونسونگ
واح، بیر اوتچا یانماغی اِندیک ادن یورک
غار کوتلأن غیش دی دونگوپ بیلرمی؟
یؤنه سن، گور جنگنگلینگ جِمندرلری
غاپیلان غاراقلارنی
گؤرمأگه غوُرپی چاتمان اؤلرلر دییدینگ
ای اوُمیت پنجرهدن اوم اِدن
-پریشده
آغلامازلیغی،
سن اونده دینگ مانگا
غوشغیمی غوُرشادینگ بیر غوُجاق چوغ بیلن
-یازینگ گونشی دِی-
اِی اوُمیت پنجرهدن اوم اِدن - پریشده.
...یازی گؤریأن.
من بیر کپلهگینگ غاناتیندا یازی گؤریأن
من بیر سانجالیغینگ اوُچوُشیندا یازی گؤریأن
من،
کؤچأمیزدن گچیپ باریان غیزی گؤریأن
گؤزلرینده یازی گؤریأن،
یاشیل - سروی آغاچ
گؤیأ یله برندیر اؤیدیأن
زولپلرین
من شوندا یاز بولیان، اِدیل
یوزلریمده گؤگریأر
غیزیل گول
ساری گول
آق گول...
من، بیر کپلهگینک غاناتیندا یازی گؤریأن.
دوشونشمک گرِک
حایوانلار اؤز بیر-بیرینی دآلارلار
اییِرلر،
یؤنه سنگ آدینگا اینسان دییِرلر.
سن غارشیلا گول بیله
گولر یوز بیله
غارشیداشینگی
بولسا بِر نانینگ آشینگی
غیشا یولوُقدیرما کیشی یازینی
گؤوروملی بول چک نأزینی
بیر حیل نأز اِتمکدیر اینسان غاحاری
دوشونشمک گرِک،
دوستلوُق
من اینسان من،
سؤییأن،
آیینگ یالقیمیندا یاینایآن لاری
من اینسان من، سؤییأن
بآر، گونشدن پای آلیآن لاری
دوُیغوُلاریم اولارینگ بآرینا سرپای.
من اینسان من،
سؤییأن،
آق گول، ساری گوللری
غیزیل گول لری، ماوی گوللری
منگزش توحوُم لاردان
اِلوان چِترهمک
دونیأنینگ گؤرکی
سؤیگی نینگ، اؤزهنی - اؤرکی.
من اینسان من،
دوستلوُق من اوچین،
آسمان دوستلوُق اوچین
کبدر دوستلوُق اوچین
شمال دوستلوُق اوچین
کِبه لک دوستلوُق اوچین
آی - گون دوستلوُق اوچین
حِرییل دوستلوُق اوچین
بوُیِر دوستلوُق اوچین...
دوستلوُق من اوچین!
نهننگسی سؤیمهجک اونسونگ
نهننگ سؤیولمهجک.
من،
گونش چوغوُن پایلاشیانلارینگ بارینی سؤییأن
من اینسان من، دوستلوُق من اوچین
من بِحیشدی غیسغاناموق حیچ کیمه.
غورقی
گور غامیش لیقدا من اوتیرین؛
یل،
یاشیل یاپراق لارینگ ارکین آلیپ دوُر
اِیمِنجی بیر زادینگ روُحوُنا منگزأپ.
شیله یاشیللیغا دولسا-دا گؤزوم
غورقی منینگ یورهگیمی دآلآپ دوُر.
یاز!
سؤیگینی - یاز! منینگ
غوُجاغما گتیر.
غیشی اوواررادا جایلاپ
گول یوزلی مارالا غولوُمی یتیر،
ایکی أدیم لیک، آرالیغینگ توملوگین
بؤوسوپ،
کؤیِن آرزوُولاری سنگ اؤزونگ بیتیر
سؤیگینی - یاز!، منینگ غوجاغما گتیر.
بحیشت
بحیشت سنینگ گؤزلرینگده دوشلأپدیر
دِمینگ حوواسینی یوزومه چای
غوی، گول لر، گولکی بولوُپ گؤگرسین.
غوشغولاریم
یالنگیز اؤزوم اوْقاپ آغلاریارین!
منگ دیلیمه کیم دوشونیأر.
سؤیگی
سن یازینگ گونِشی! زولپونگ چوغلاری
مانگا غوُجوُر غوشیار گویچ قوُوات بریأر
بوُ روُحوُم -بدنیم، گیجه-گوندیزلر
دینگه سن دییپ یاتیار، سن دیییپ اؤریأر.
ایسته منم سندن، اؤزگه، حیچ باغتی
من اوچین، یادینگدا، گیجهلر یاغتی
دانگدانینگ اوُقوسی سویجییِنواغتی
حییالینگ دویشومده غاناتین گریأر.
پأک سؤیگا زرّه-ده شوپحه یتیرمأن
سندن اؤزگه یارینگ یوزونی گؤرمأن
گیجهلر، اوُقوسیز گؤزلریم، ایرمأن
گوندیز سنگ اوُغروُنگدا غاراووُل دوُریار.
سؤیگولیم من سانگا یته بیلمن می؟
آرزوُو دریاسیندان اؤته بیلمن می؟
حوُشوُمدا اِلینگدن توُتا بیلمن می؟
یا - بوُ آرزوُو دینگه دویشومده شیریار؟
جوش اوُریا گون گوندن بوُ منینگ ایشغیم
سنسیز بوُغاریپ دوُر ایمارات کؤشگوم
گؤزلریمدن حرگیز گیتمهیأر کشبینگ،
قالبیم دینگه سنینگ یادینگدا اوُریار.
مندن بیر بللی گپ توُتسانگ توُتماسانگ
منأ حیچ اوُنوُتمان سن اوُنوُتماسانگ
بلکی اوُنوُتمارسینگ موُندان اؤتمه سنگ
چون سؤیگی سؤنمز اوت، کؤپ اؤمور سوریأر.
ییگریم بیرینجی آسیردا
چاغا واغتیم شادلیغمینگ کمی یوقدی
یادیمدا منگ، حیچ بیر گؤزونگ نمی یوقدی
غایغی یوقدی گولکولرینگ چنی یوقدی
دردینگ آسیل اؤزی یوقدی
غوُرساقلارینگ غامی یوقدی.
موحاپبت سیز اوبا ایلده گنگ لنردی
غازان غیزسا غونگشی اوقارا چملنردی
گیجه غیزلار لأله قاقیپ حِنگ لنردی
حر گیجهده بیر اوجاقدا
یاقیملی سس یانگلاناردی.
چاغاواغتیم غان ایچمأگه تشنه یوقدی
زوُلوُم دیگن نامارت زادا آشنا یوقدی
آغزی بیرلیک ایله باردی چاشما یوقدی
غاریپ باردی حر اوبادا
یؤنه غارنی گوشنه یوقدی.
آسمانداقی ییلدیزلارینگ سانی یوقدی
دوقوُزی دوزونگ تاماسیندا اونی یوقدی
یاغشیلیقدی، ایللرینگ یامانی یوقدی
حر اوبانینگ حانی باردی
گؤزلرینده غانی یوقدی.
سادالیقدا ایلینگ گوزهرانی مِسدی
کیم اوُیماسا دینه ایشی اونگ عبث دی
یاشلار اوچین آق ساقاللار موُقاددِسدی،
موُقاددِسلر یولووُردوردی
اؤنگ، موُقاددِس، موُقاددِسدی.
چاغاواغتیم اوقاماغا تاقات باردی
حر کیم اوچین بیر یتمأگه ماقسات باردی
ایل آرادا بارچا یاغشی آدات باردی
ایندی یامان، سِت بولوُپدور
اؤنگلر یامان، آغساقلاردی.
گِلِجگه غاراپ گچیأرینواغتیمی
سوزگوچ سوزمز بیر اوُللاقان آق باغتیمی
اِکلأپ بیلسم ارکانالیق داراغتینی
توم گیجهدن اثر غالماز
دونیأمیز بولار یاغتیلی.
شاحیر سن سم بولما اویلان یاز قاغیزا
یتمز حرگیز بوُ تولقونلی دریا دیزا
اِلینگدأکی غالام سنینگ اؤتگور نایزا
غایغیرما-دیی چکینمأنی
غالامینگ بولماسین غایزا.
چاغاواغتیم! دیییپ یاتما، گچمه موُندان
گونمه گوندن آرتیار ایل تاماسی سندن
ایل غاچسا-دا سن غاچماغین دپهگندن
اوُنوُتماغین اؤز بورجوُنگی
سن مایا غوی جان -و - تندن.
اثر= اِسِر
نوُرانا کؤل...
نوُرانا کؤل بولوُپ یاتیرسینگ
بیر توقای غارانگقیلیغینک غابادیندا،
کأته من دوُییارین سنی
-شمال سنگ اوستونگدن اؤوسوپ
چؤلی بزأنده.
واح بیر آرزوُویم کؤیمأن
سوُونگا من یاقارمیقام
غویوُنلاریمی؟
بوُ توقایینگ مؤجکلریندن آمان!
سرچهلر
سرچهلر جیگیللشیأر
بیر غارا باش ییلان
اویناپ اوتیر اولاری
یالان بیلن.
دوُیغی دولی حوولودا
سرچهلر جیگیللشیأر
باش باشا باراناق
بیر غارا باش ییلان...
یومورتغا (دگیشمه)
شوُ گون رادیونینگ آلیپ بارجیسی
دییدی:
دیییأرلر جاپوُندا آداملار
گونده بیر یوُموُرتغا ایییأرلر
شونگ اوچین
کِسِللأنوق
جاپوُنلینینگ یورِگی!
من دیییأن جاپوُندا یاشاسایدیق بیز
یورِگمیزأ حؤکمان کسللهمزدی
اییمهسهگِم گونده بیر یوُموُرتغانی!.
آدام اوغلونا آرزوُویم
غاراشیان زادیمی بیلِموق اؤزوم
بیلموق نأمه اوچین توُتوُق یورِگیم
آغلایان اِنگرهیأن کألر بیر اؤزوم
تاپاموق - تاناموق یالنگیز گرهگیم.
کأته من یورگمینگ آیتجاق دوُیغوُسین
اؤز دیلیمینگ آشاغیندا جایلایان
واح آق اِرتیر سنگ زارینگدا آح چکیپ
آیتجاق زادیم آیدا بیلمأن آغلایان.
بوُ توقایدا تیکنلرینگ گولی یوق
کأته بیر ایراحات اؤلهسیم گلیأر
تیکنسیز گوللری آرزوُو اِدهماق
یؤنه گوله باقیپ گولهسیم گلیأر.
اِرکینلیک نبیسدن دینماقدیر دیییأر
ایلینگ باشین آیلان نیچه یانگرالار
یاشاییشینگ حؤزیریندن سوراسانگ
کوتدک جوغاپ بیلن سانگا غینگرالار.
حوُداییم یانسامیش اوُزاغا گیتمأن
اودی گول یرینه ایله سؤیدورِن
اِرکانالیق یرنه ایلی کؤیدوریپ
چؤرک یرنه ایچده غانلار دوودورِن.
بیرگون ایردن توُرسام آسمانا باقیپ
غوُش لارینگ اووازی غوُلاغما دولسا
شاغاللار سسینه ایرِن غوُلاغیم
یاقیملی حِنگلرهم تاناسا - بیلسه.
آرمان گلرمیکأ شیله بیر باغیت
شوندا من گؤز یاشیم سوپورسم گرِک
آداملارا آیدیم آیدیپ غالقینار
آغلاماغی اِندیک اِدن بوُ یورک.
سن بیزینگ اوبامیزینگ...
سن بیزینگ اوبامیزینگ غولاییندا دوشلأپسینگ
بیر غوُجاق گول، بیر غوُجاق گولکی بیلن...
من، دانگدانینگ سویجی اوقوسین
غوُشلوُقدا دِوام اِدیأنیمی آنگمان اِکهنیم
یاقیملی ایس، سنینگ غولای گلهنینگی دوُیدوُریار
غوشلار سایراشدی اونگرأک
گونش گون اورتا تاراپ گؤنوگیپ دیر.
تأزه یاشاییش!
آرقا اوقلا ساچلارینگنی
یاز اثر نه یانگ توُروُزسین دوداقلارینگ
دویشده گؤریأن آرزوُولارینگی باس باغرینگا
نأمه اوچین سن اوم سوم اوتینگ؟!
گچمیش اؤزون چیقماز بولوُپ
سنگ زِینینگده جای لادیمی؟
غارا غایلار یا باشینگی آیلادیمی؟
دوین چاغاقانگ ساللانچاغینگ حوودوسیزدی
سونگ اوشأرسینگ دییِن بولمان
آیاق غابینگ ییرتیق بولدی
جوراپ دیییپ دولانانینگ چوپرِک بولدی،
آغلامادینگ
اِنته سنگم اِنگرهمهدینگ
دوداقلارینگ دیمیپ غالدی آحمیر بیلن
اؤزگهلر،
یوزی غارا اؤیتدی سنی.
سن یالنگیزلیق بیلن دوزی بزأنگده،
گیچ آغشام آرا
اِلینگ آرقاسیندان اؤپوپدی
دینگه ایکی غارا گؤز
اوُزاقدان
آسمان آغلاپ،
یوزونگ یوُووُپ
زولپونگ یاشا بویاندا
گؤزلرینگدن اؤپوپدی
ایکی غارا گؤز
اوُزاقدان
شاحیرینگ گؤزی دی
شول ایکی غارا گؤز
ایندی مای بریپ دوُر، سانگا
سأحرانینگ، سالقینجا یازی
آرقانگا آت ساچلارینگنی،
یاز اثر نه یانگ توُروزسین
دویشده گؤریأن آرزوُلارنگی باس باغرینگا.
من کؤیموشِم:
داغلارینگ غارلاری اِرهدی دییپ
من کؤیموشمواح،
باغ لارینگ اوُلغامی دؤکوپ بأگولین
غان یورِگیمده نشتر اوُریار
من یانمیشامواح.
سؤیگی یلکنینه اوُغوُر یوق
گؤزوم دنگیزینده،
باغتی کؤین سالیم لاری
پورساپ یاتان لوقوُرلارا حؤدورلأن
بوُ بیدوزگون گونلره،
غوُرباقالار آیدیم آیدیار.
یاغیشدان سونگ
بیر دوُمان!
بوقوُرداقلارا بیر سس!
ذکر چکیپ حوُو دییمأگه.
غوی من اؤز اوینوُمی اوینایین
ییقیلسام- دا.
آتینگ سسی گلیأر شول آیتمرینگ آرقاسیندان
- سونگی داغی یاناپ -
اِی آی! سن گؤوسونگی باسیر
آشیقلانگی دوُیماسین دوُشمان
اویناشینگ اوُغروُن
کسهکی لرینگ گؤرِجیندن
ساقلا آمان.
توقایدا ایرزا سیز
اِلیمی گؤگه گریپ دوُروُن
غاراپ
من کؤیموشم،واح!
من یانمیشام،واح . . . !
اوموُزلاپ اوتیرین اوُغروُنگی:
اؤپیأر باغرینا باسیپ یول
آیاق ایزینگی
من اوموُزلاپ غاراپ دوُروُن
-گلسنگ غارشی آلارین، سورمه اِدینیپ آیاق توْزوُنگی-
بوُ سؤیگیدن سؤزلر
یاقان اودوُنگ منینگ قالبیمدا، چوغی.
آلقیمیمدا سنینگ گؤرکونگ گؤگِرِر دییپ
من سوُوارماغا تاییار لانیپ
دوُروُن اوموُزلاپ، گلجک اوُغرونگی.
أپیشگأنی آراسسالاپ
چویشهلرینینگ سیرنی یوُووُپ
سأحرام شمالینگ توینی غوُتلآر
گؤک آسمان، آیدیم آیدار دییپ
گؤزولدر، اوموُزلاپ اوتیرین شول اوُغرونگی.
بیلسنگ،
آیاق لاریمینگ سوُستی باسیلاردی حر زامان
ایتلر حوو- حوولاپ اویرنده
اوندا- دا اِللریم سنینگ سوُراتینگی دویشورگأپ
یازغیجا یاپیشیاردی،
بیر اؤمور یتیم لیکده یایقاپ باشلاریمنی
یوُووُپدی یاشلاریم غوشغوُلاریمنی
من، ایندی اوُمیتی أپیشگأ سینگدریپ
گؤزولدر، اوموُزلاپ اوتیرین یولوُنگی
گلسنگ غارشی آلارین، سورمه ادینیپ آیاق توزوُنگی.
بیر حاقیقات
ییگیت حؤوس لندی شأحدی آچیلدی
غیزلارینگ توپاری گلیأردی سویشیپ،
یورهگیندن سیزان حیجوُو بارینی
گؤرِجینده جِملأپ سر اِتدی جوشوُپ.
پأک لیگینگ حوُدایی غوُرساق لاریندا
یاشیل باشدی، غوُبا غازدی، سونادی
سنگنگین باسیپ گلیأن شول گؤزللرینگ
آراسیندا بیرین اِییأم تانادی.
سولمورأپ، ساللانیپ اووادان غیزلار
دِنگیندن گچنده، ییلغیرجیرادی
شول تانیش گؤزلرینگ ایزیندان غاراپ،
دوُیدانسیز ایکی أدیم اؤنگه یؤرهدی.
آیاغینگ توْزوُنی گؤزومه سورتوپ
سورمه اِدینسِم دیییپ آح اوُردی بیردِم
سؤیگی غو´می گؤزلرینده مؤوچ اوُروُپ
حییال کنارینا آتاردی بیردن.
آق باغیتی یآرا مینآسیپ گؤردی
اونی آق کجبأ موندوردی ایلکی
- یونگ دوشکچه، یوپِک یورغان، آق دوُرموُش -
ییگیدینگ یوزونی غوُرشاپدی گولکی.
آیدان آیآشیپدی زامان اؤتوپدی
شول سؤیننی آلیپ باغیتلی ییگیت
یار اِلیندن توُتوُپ گزأیسم دییِن
آرزوُ حییاللاری بولوُپ دی ناغیت.
ایلکی، چیقاردیلار، کؤچأ بادا - بآت
سایغارایمازدیلار گیجأنی - ایری،
بیر گون گؤزل یارینگ آیاغنی سورچدی
چارقانناقلی کؤچأنگ داشینینگ بیری.
-واح اِزیزیم - دیییپ توُتدی غولوُندان
سن منینگ یالنگیزیم داش بیر بیلسه میش
نأزیجک آیاغنگی اینجیتما درهک
گؤزومه دگسهمیش، جانیم آلسامیش!.
شیرین - شیرین سؤزلر آیدیلاردی کأن
ترغوُنچالار پشگش بولاردی یآرا،
زولپلر چؤشلنردی - یازینگ اِرِمی-
- سیموُتِن - دییِرسینگ دوُروُپدیر بآرا.
**
شول سویجی دؤورانلار اوُزاق گیدهنوق،
واح نأتجک دوُرموُشینگ اوُزاق - دآ یولی،
واغیت گچیأر کویدن گیدیأر بارچا زات،
چأرهسیز اویدگهیأر اینسانینگ پألی.
بیر گون شول حألکی دآش ینه - ده گلنینگ
آیاغنی سورچدوردی، گلین سِرمهدی؛
بوش حووانی!
-وای... ح دیییپ،
شول آشیق اوغلان،
آراسین آچیپدی یاردان؛
بیر آغیز شِی دییدی:
سِر اِت حاو!
گؤزلرینگ داغی کؤردیمی؟!.
«کیتابینگ سوْنگی»